Posted by नेपाली गजल
Posted on 1:27 AM
शिरानीमा तरबार राखे शिरै खतरामा
बाडी आउँदा खोली तिरको तिरै खतरामा ।
पिरैपिरको राजधानी हो यात्रा जिन्दगीको
पौरखले पिरलाई थिचे पीरै खतरामा ।
पैतालामा दुख बिझ्छ झिर बन्छ आँसु
आँसु पुछी हिँड्न सके झिरै खतरामा ।
खिर सम्झी निमुखाको नखाऊ श्रम दाना
भ्रष्टाचारको अचार खाए खिरै खतरामा ।
नीर धारा आँसु बग्छ डस्छन् मान्छेहरु
विचरो यो नवराजको नीरै खतरामा ।
– नवराज लम्साल
Posted by नेपाली गजल
Posted on 9:26 AM
होला भन्ने आस गर्दै, टर्न सक्छ जिन्दगि
सिसे महल चर्किए झैँ , झर्न सक्छ जिन्दगि
परेलीमा सपनाका, लाख बत्ति बालेपानी
नफक्रिदै कोपिलामै, मर्न सक्छ जिन्दगि
विजयका बीर गाथा लिपिबद्ध गरेपनि
बिरक्तिदै आफै संग, हर्न सक्छ जिन्दगि
महलमै राखेपनि, पुष्प बर्षा गराएर
बाध्यता को चंगुलमा, पर्न सक्छ जिन्दगी
शिरानीमा तरबार राखे शिरै खतरामा
